Dende finais do curso pasado, tiñamos unha viaxe pendente á casa-museo de Manuel María
e por fin o martes 27 de setembro fomos ata Outeiro de Rei.
Itinerario:
- Visita á casa-museo.
- Merenda no parque da vila.
- Visita á olería de Bonxe.
- Xantar na carballeira de Santa Isabel.
- Percorrido pola lagoa de Cospeito e merenda.
Imos aló...
En pleno centro da vila atopamos a Casa de Hortas, museo de Manuel María que acolle o legado do poeta e a sede da Fundación Manuel María de Estudos Galegos.
Visitamos as instalacións e cantamos a canción "O cuco" poema deste gran poeta que estivemos a traballar o curso pasado.
(Prema na imaxe para poder ver as fotos)
Este poema está musicado por Suso Vaamonde.
A media mañá tomamos un "tentempé" no parque da vila, onde ademais de encher o bandullo, pasámolo moi ben.
Logo de xogar un anaco, fomos ata Bonxe ao obradoiro de olería tradicinal, onde estivemos aprendendo a arte de manipular e construír con barro.
Tamén nos amosaron unha pequena exposición con diferentes pezas de barro que se usaban na vida cotiá dos nosos antepasados e que algunha, aínda se segue utilizando hoxe en día.
... Como xa tiñamos fame, de Bonxe dirixímonos á carballeira de
Santa Isabel á beira do río Miño para xantar.
Un lugar fermosísimo.
Xa pola, tarde fumos ver a lagoa de Cospeito, onde fixemos un pequeno percorrido e logo merendamos, antes de voltar para o cole onde nos esperaba a nosa familia.
Prema na imaxe para ver a reportaxe fotográfica.
Escoitamos de fondo "O arco da vella", un poema de Manuel María do libro "Os soños na gaiola" musicado por Suso Vaamonde.
Interesante: pica
Foi unha experiencia moi enriquecedora que compartimos con todos os nosos compañeiros do cole, onde conxugamos cultura e paisaxe.
Na páxina web atoparedes todas as fotos deste día...
Na páxina web atoparedes todas as fotos deste día...
Podedes obter máis información nos seguintes enlaces:
E se queredes recordar os traballos que estivemos a facer o curso pasado sobre este gran poeta :
http://auladeilusionesandrade.blogspot.com.es/search/label/manuel%20mar%C3%ADa
No hay comentarios:
Publicar un comentario